اُردو سائنس بورڈ کا تعارف

اُردو کو قومی زبان کے طور پر فروغ دینے سے متعلق آئینی تقاضوں کے پیشِ نظر، ایک ایسے ادارے کی ضرورت تھی جو ملک میں اُردو کو فروغ دے سکے، تاکہ اسے زندگی کے ہر شعبے سے ہم آہنگ ہونے کے قابل بنایا جا سکے۔ چنانچہ 1962ء میں کابینہ کی جانب سے “مرکزی بورڈ برائے ترقی اُردو” کے قیام کی ایک قرارداد منظور کی گئی۔ حکومتِ پاکستان نے ’کمیشن برائے قومی تعلیم‘ کی سفارشات پر 24 مئی 1962ء کو یہ بورڈ قائم کیا۔

اُردو سائنس بورڈ طلبہ، اساتذہ، اساتذہ کی تربیت کے اداروں اور عام قارئین کے لیے اُردو زبان میں سائنس اور ٹیکنالوجی کے شعبے میں کتابیں اور مطالعاتی مواد تیار کرنے کا ذمہ دار ہے۔ بورڈ کا دفتر اپر مال، لاہور میں واقع ہے۔

اُردو سائنس بورڈ، اپر مال لاہور کی عمارت

ادارے کا سفر

  1. 1962ء

    24 مئی کو “مرکزی بورڈ برائے ترقی اُردو” قائم ہوا۔

  2. 1982ء

    31 اکتوبر کو وفاقی وزارتِ تعلیم نے اصل قرارداد میں ترمیم کر کے ادارے کا نام “اُردو سائنس بورڈ” رکھا۔

  3. 2004ء

    29 دسمبر کو بورڈ کو وفاقی وزارتِ تعلیم کے ماتحت ادارے کا درجہ دیا گیا۔

  4. 2008ء

    جنوری میں بورڈ کو نئے اہداف تفویض کیے گئے۔

  5. اٹھارویں ترمیم کے بعد

    وزارتِ تعلیم ختم ہوئی اور بورڈ کابینہ ڈویژن کے تحت آ گیا۔

  6. 2013ء

    بورڈ وزارتِ اطلاعات، نشریات و قومی ورثہ کے ماتحت کر دیا گیا۔

  7. 2016ء

    قومی ورثہ و ثقافت ڈویژن قائم ہوا اور بورڈ اس کے ماتحت ادارے کے طور پر کام کرنے لگا۔

  8. آج

    بورڈ ادارۂ فروغِ قومی زبان، اسلام آباد کے فیلڈ آفس کے طور پر کام کر رہا ہے۔

بورڈ سے وابستہ شخصیات

بورڈ کے ساتھ کئی ممتاز علمی و ادبی شخصیات اور اہم عہدیداران وابستہ رہے ہیں۔

  • کرنل (ر) مجید ملک
  • اے ڈی اظہر
  • محمد حنیف رامے
  • اشفاق احمد
  • کشور ناہید
  • ڈاکٹر آغا محمد سہیل
  • ظفر اقبال
  • امجد اسلام امجد
  • محمد اکرام چغتائی
  • ڈاکٹر خالد اقبال یاسر
  • ڈاکٹر عبدالغفور راشد
  • راشد بشیر مزاری
  • پروفیسر ڈاکٹر ناصر عباس نیّر
  • پروفیسر ڈاکٹر رؤف پاریکھ